Það er ekkert grín að klæðast treyju númer sjö hjá Manchester United en því númeri fylgir mikil pressa.

Cristiano Ronaldo var síðasti leikmaðurinn til að klæðast þeirri treyju og ná alvöru árangri hjá félaginu.

Fleiri frábærir leikmenn á borð við Eric Cantona og David Beckham gerðu garðinn frægan í þeirri treyju.

Eftir brottför Ronaldo hafa nokkrir leikmenn fengið treyjuna en þeir hafa alls ekki staðið undir væntingum.

Alexis Sanchez notar treyjuna í dag en hann samdi við United á síðasta ári eftir dvöl hjá Arsenal.

Hann hefur lítið sýnt á Old Trafford undanfarið ár og gæti leitað burt næsta sumar.

Fimm leikmenn hafa notað treyjuna síðan Ronaldo fór og þar á meðal fyrirliðinn Antonio Valencia sem skipti þó um númer.

Valencia er sá eini sem tókst að sanna sig almennilega hjá félaginu en alls hafa þessir leikmenn gert 13 deildarmörk sín á milli.

Michael Owen – 31 leikur og 5 mörk

Antonio Valencia – 30 leikir og 1 mark

Angel Di Maria – 27 leikir og 3 mörk

Memphis Depay – 33 leikir og 2 mörk

Alexis Sanchez – 17 leikir og 2 mörk