Derek Kennington, pistlahöfundur hjá Liverpool Echo segir að það gangi ekki upp að eina sem Everton geti gert til að vinna leiki sé að Gylfi Þór Sigurðsson hristi kraftaverk fram úr erminni.
Gylfi hefur verið jafn besti leikmaður Everton á þessu tímabili en fær samt gagnrýni fyrir leik liðsins, ástæðan er slakt gengi liðsins. Everton hefur ollið vonbrigðum á tímabilinu, undir stjórn Marco Silva.
,,Gylfi hefur mátt þola gagnrýni eins og Andre Gomes á síðustu vikum,“ skrifar Derek Kennington sem er harður stuðningsmaður liðsins.
,,Leikmenn fara upp og niður i frammistöðu, vegna þess að við höfum verið að fá slæm úrslit, þá leitar fólk af sökudólg.“
,,Af því að Gylfi er okkar dýrasti leikmaður og á að búa til hluti, þá fær hann mest að heyra það núna.“
,,Það er enginn að spila vel núna, það eru alltaf nokkrir sem eiga ágætis leik en við erum alltaf að gera kröfu á kraftaverk frá Gylfa. Er það eðlileg staða?.“