Það eru ekki allir knattspyrnuaðdáendur hrifnir af myndbandstækninni VAR sem er nú notuð víðsvegar um heiminn.

VAR gerir dómurum kleift að spóla til baka í leikjum og athuga hvort rétt ákvörðun hafi verið tekin eða ekki.

Mjög umdeilt atvik kom upp á Ítalíu í dag er lið Spal fékk Fiorentina í heimsókn í efstu deild.

Spal komst yfir í leiknum í dag með marki frá Andrea Petagna áður en Edmilson Fernandes jafnaði metin fyrir Fiorentina.

Stuttu síðar skoraði Spal annað mark og var komið yfir og brutust mikil fagnaðarlæti út.

Það mark fékk þó ekki að standa heldur í staðinn fékk Fiorentina vítaspyrnu og komst yfir.

Dómarinn spólaði heldur langt til baka og skoðaði atvik sem átti sér stað áður en Spal tók forystuna.

Þar ákvað hann að brotið hefði verið á Federico Chiesa í vítateig Spal og dæmdi vítaspyrnu fyrir gestina.

Fiorentina vann svo að lokum nokkuð sannfærandi 4-1 sigur en atvikið er möguleika það umdeildasta síðan VAR var tekið upp.