Neil Warnock, stjóri Cardiff í ensku úrvalsdeildinni, er alls ekkert lamb að leika sér við.
Warnock er gríðarlega litríkur karakter en hann hefur stoppað víða á mjög löngum ferli.
Warnock tók við Cardiff árið 2016 og hefur verið hjá félaginu í þrjú ár. Hans þjálfaraferill hófst árið 1980.
Hann fagnaði 70 ára afmæli sínu í desember á síðasta ári og bendir ekkert til þess að þjálfarabókin sé að fara í hilluna.
Warnock hefur stýrt liðum á borð við Huddersfield, Sheffield United, Queens Park Rangers, Crystal Palace, Leeds United og Cardiff á ferlinum.
Við rákumst á myndband í kvöld þar sem má sjá hvernig Warnock er á bakvið tjöldin.
Það er svo sannarlega stuttur í honum þráðurinn og hefur Aron Einar Gunnarsson væntanlega fengið nokkur öskur í gegnum tíðina.
,,Ég myndi deyja fyrir ykkur, andskotinn hafi það,“ segir Warnock á meðal annars áður en hann hraunar yfir eigin leikmenn.
Sjón er sögu ríkari.