Declan Rice, ungur leikmaður West Ham, hefur ákveðið að gefa kost á sér í enska landsliðið.
Þetta staðfesti leikmaðurinn í dag en hann hefur hringt í Gareth Southgate, landsliðsþjálfara Englands.
Rice er tvítugur miðjumaður en hann er orðinn fastamaður hjá West Ham aðeins 20 ára gamall.
Hann hefur allan sin feril leikið með írska landsliðinu og var partur af yngri landsliðum áður en hann spilaði fyrir aðalliðið í fyrra.
Rice á að baki þrjá landsleiki fyrir Írland en hefur nú ákveðið að skipta yfir til Englands.
Rice fæddist í London og er enskur en afi hans og amma koma frá Írlandi og var hann því löglegur með landsliðinu.
Það er óhætt að segja að þessi ákvörðun hafi farið illa í Íra sem hafa látið hann heyra það á samskiptamiðlum.
Rice lék aðeins vináttuleiki fyrir Írland og má því skipta yfir því hann tók ekki þátt í keppnisleikjum.
Boxarinn John Joe Nevin er á meðal þeirra sem tjáðu sig um ákvörðun Rice. ,,Farðu burt, svikari,“ skrifaði Nevin á færslu Rice.
— Declan Rice (@_DeclanRice) 13 February 2019