Jurgen Klopp, stjóri Liverpool, gæti verið á leið í hliðarlínu bann miðað við fregnir enskra miðla í kvöld.
Klopp kom sér í vesen í síðustu viku eftir leik Liverpool við West Ham í ensku úrvalsdeildinni.
Klopp gagnrýndi dómarann Kevin Friend eftir leikinn og gaf í skyn að hann hefði dæmt með West Ham eftir mistök í fyrri hálfleik.
Þjóðverjinn sagði að Friend hafi áttað sig á eigin mistökum í hálfleik og að það hafi haft neikvæð áhrif á frammistöðuna.
Enska knattspyrnusambandið bað Klopp um að útskýra ummæli sín en hann bað ekki um frest til að svara betur fyrir sig.
Ef Klopp verður fundinn sekur þá fær hann ekki aðeins sekt heldur mun fá sér sæti í stúkunni.
Refsingin myndi aðeins taka gildi í ensku úrvalsdeildinni og getur Klopp leiðbeint sínum mönnum í 16-liða úrslitum Meistaradeildarinnar gegn Bayern Munchen.
