Tilkynning Breiðabliks:
Rakel Hönnudóttir til Breiðabliks
Þau ánægjulegu tíðindi voru að berast að Rakel Hönnudóttir hefur skrifað undir samning við Breiðablik á nýjan leik. Rakel lék 158 leiki með Breiðablik á árunum 2012-2017 og skoraði í þeim 68 mörk. Hún varð bikarmeistari með Blikum árin 2013 og 2016 og Íslandsmeistari árið 2015.
Í lok árs 2017 fór Rakel til sænska úrvalsdeildarliðsins LB07 í Malmö. Eftir eitt tímabil í Svíþjóð skipti Rakel yfir til Reading á Englandi þar sem hún lék í ensku úrvalsdeildinni. Nú hefur Rakel ákveðið að snúa aftur til Breiðabliks
Rakel hefur þegar leikið 100 landsleiki fyrir Íslands hönd og skorað í þeim níu mörk.
Blikar fagna því mjög að Rakel sé komin aftur í Kópavoginn. Við hlökkum til að sjá hana í fagurgræna búningnum 💚