Antonio Conte, stjóri Inter Milan, var óánægður með stuðningsmenn í síðasta leik.

Inter gerði markalaust jafntefli við Roma á heimavelli og var baulað á leikmenn liðsins á meðan viðureignin var í gangi.

,,Stuðningsmennirnir verða að styðja okkur og hjálopa okkur, eins og þeir hafa gert,“ sagði Conte.

,,Þetta er tími þar sem stuðningurinn nýtist. Það var leiðinlegt að heyra nokkur baul. Það er ekki gott, við þurfum alla.“

,,Þeir þurfa að styðja okkur og ekki baula eftir fyrstu mistökin. Það er ekki auðvelt að spila á San Siro, margir af strákunum eru ungir, allir þurfa hjálp.“