Samúel Kári Friðjónsson varð í dag norskur bikarmeistari en hann leikur með Viking þar í landi.
Viking spilaði gegn Haugesund í úrslitum keppninnar í dag og vann 1-0 sigur og fagnaði þar með titlinum.
Zlatko Tripic skoraði eina mark Viking í leiknum en það kom snemma í síðari hálfleik.
Samúel kom inná sem varamaður í seinni hálfleik og fékk að spila rúmlega korter.
Axel Óskar Andrésson er einnig á mála hjá félaginu en hann er meiddur þessa stundina.