Owen Hargreaves, fyrrum landsliðsmaður Englands, hefur tjáð sig um atvik sem átti sér stað á fimmtudag.

Mesut Özil, leikmaður Arsenal, lét þá í sér heyra eftir lokaflautið í 2-1 tapi gegn Brighton á Emirates.

Það leit út fyrir að Özil væri að öskra á Per Mertesacker, aðstoðarþjálfara Arsenal, en Hargreaves er ekki sammála því og segir öskrið hafa verið á Freddie Ljungberg, tímabundinn stjóra liðsins.

,,Ég held ekki að hann hafi beint þessu að Per, ég held að hann hafi baunað á Freddie,“ sagði Hargreaves.

,,Hann gerði ekki nóg, Mezut Özil, til að réttlæta þessi viðbrögð. Ég elska Özil meira en allir en hann gerði ekki nóg í þessum leik.“