Nigel Pearson er nýr knattspyrnustjóri Watford á Englandi en þetta var staðfest í kvöld.
Pearson hefuir ekki unnið í úrvalsdeildinni í fjögur ár en hann var síðast hjá Leicester 2015.
Hann hefur þjálfað Derby og OH Leuven síðustu ár en er nú mættur aftur í deild þeirra bestu.
Pearson er 56 ára gamall og tekur við af Quique Sanchez Flores sem var rekinn á dögunum.
Watford er í fallsæti eftir 15 umferðir og á Englendingurinn erfitt verkefni fyrir höndum.