Þýska blaðið Bild fullyrðir að einn efnilegasti leikmaður í heimi Erling Haaland, kosti 17 milljónir punda í janúar. Að slík klásúla sé í samningi hans við Salzburg. Slíkur verðmiði er ekki hár ef miðað er við verð á leikmönnum í dag.
Haaland er 19 ára gamall norskur sóknarmaður sem hefur skorað 27 mörk í 20 leikjum á þessu tímabili. Öll stærstu félög Evrópu hafa áhuga.
Manchester United er oftast nefnt til sögunnar en Haaland og Ole Gunnar Solskjær unnu saman hja Molde. Það gæti heillað Haaland að vita að hverju hann gengur.
Fleiri stórlið hafa áhuga og eru líkur á því að eitthvað þeirra klófesti Haaland í janúar þegar félagaskiptaglugginn opnar.
Manchester United vantar sóknarmenn og gæti Haaland hentað inn í það plan sem Ole Gunnar Solskjær er að vinna eftir.