,,Að fara aftur á Old Trafford er ferðalag á stað þar sem ég var ánægður, ég átti í mögnuðu sambandi við stuðningsmennina,“ sagði Jose Mourinho, stjóri Tottenham sem snýr aftur á Old Trafford á morgun. Tæpir tólf mánuðir eru síðan Mourinho var rekinn frá Old Trafford.
,,Ég fór þangað sem sérfræðingur á dögunum, ég fékk svo fallegar móttökur. Núna fer ég sem þjálfari liðs, ég ætla að reyna að vinna Manchester United, það gerir þetta öðruvísi.“
,,Ég á von á virðingu frá stuðningsmönnum, þeir vilja samt aðra útkomu en ég. Ég vil að Tottenham vinni en þeir vonast eftir sigri Manchester United. Á meðan leikurinn er í gangi býst ég við að þeir gleymi mér og styðji sitt lið.“
Mourinho hefur stýrt Tottenham í þremur leikjum og unnið þá alla, á meðan eru Ole Gunnar Solskjær og lærisveinar hans ískaldir.
,,Kafla mínum hjá United er lokið, ég fór frá félaginu og skoðaði sjálfan mig fyrir næstu áskorun. Manchester United fór í reynslubankann, það er í fortíð minni. Ég vann titla hjá United og ég lærði, það var góður tími eftir að ég hætti. Það er ekki mitt að skoða vandamál United, núna eru þeir andstæðingar mínir.“
,,Það lítur út eins og ég hafi hætt með United í gær, að ykkar mati. Það er komið ár síðan, ég er leikmaður Tottenham.“