Cristiano Ronaldo var ekki mættur til Parísar í gær þar sem Gullknötturinn var afhentur, hann vann ekki verðlaunin og vildi ekki mæta sökum þess. Ronaldo endaði í þriðja sæti í kosningunni en Lionel Messi vann sinn sjötta, Gullbolta.
Þessi 34 ára gamli framherji átti ekki sitt besta ár en á sama tíma var verðlaunaafhending á Ítalíu, þar voru bestu leikmenn deildarinnar árið 2019 verðlaunaðir.
Ronaldo vildi nú ekki eyða of miklum tíma á meðal þeirra sem voru á hátíðinni, á Ítalíu í gær. Tancredi Palmeri, blaðamaður á Ítalíu segir frá því hvernig Ronaldo hegðaði í sér í gær.
Í stað þess að mæta á hátíðina á sama tíma og allir aðrir, þá mætti Ronaldo og sat bara út í bíl. Hann fékk svo skilaboð þegar stutt var í að hann átti að mæta á svið, þá steig Ronaldo út úr bílnum með lífvörðum sínum sem leiddu hann inn. Ronaldo gekk svo inn í salinn þegar nafn hans var tilkynnt.
Ronaldo fékk verðlaun sem besti leikmaður Seriu A, hann hefur nú unnið verðlaunin á Ítalíu, Spáni og Englandi. Þá var hann verðlaunaður sem besti framherji deildarinnar.
Verðlaunin voru afhent í Mílanó í gær en Ronaldo var fljótur að láta sig hverfa, þegar hann hafði fengið verðlaunin.
UNBELIEVABLE!
Cristiano Ronaldo waited in his car for the moment in which he had to be awarded MVP Serie A award!
Then when the time came, he finally get out to enter the theatre, while his bodyguards pointed torchlights to cameras! https://t.co/8A51G9Tatp— Tancredi Palmeri (@tancredipalmeri) December 2, 2019