,,Þetta eru þeir þrír sem eru í uppáhaldi hjá mér,“ sagði Guðjón Þórðarson þegar hann ræddi um íslenska landsliðið á FM957 í vikunni. Hann ræddi þar um sína þrjá uppáhalds leikmenn í landsliðinu í dag.
Guðjón var þjálfari landsins og gerði vel, hann sagði það ekki vera skandal ef íslenska liðið færi ekki á EM næsta sumar en þá væri bara að gera betur.
Gylfi Þór Sigurðsson
Ég kynntist Gylfa, hann kom til mín í Crewe og var í hálft ár. Ég sagði við menn á Íslandi að hann yrði góður, hversu góður væri undir honum komið. Hann er með sérstöðu.
Jóhann Berg Guðmundsson
Ég hef dáðst af þroska Jóa Berg, hann hefur þroskast gríðarlega mikið síðan hann fór út. Sem heildstæður leikmaður, bæði fram á við og vinnur til baka. Hann er fljótur að breyta varnarstöðu í sóknarstöðu, hann er skilvirkur. Hann skilar af sér gæðum sem aðrir hafa ekki.
Birkir Bjarnason
Mér finnst Birkir oft vanmetinn, í hverju er hann góður? Er hann dribblari? Nei, er hann fljótur? Nei, er hann tæklari? Nei, í hverju er hann góður? Sér stöðurnar, getur lætt inn boltanum inn. Ógnandi á síðasta þriðjungi og stinga sér inn og skora.
