Mario Mandzukic, framherji Juventus er á leið til Katar og mun semja við Al-Duhail ef marka má fréttir dagsins.
Mandzukic hafði verið orðaður við Manchester United en félagið virtist ekki hafa mikinn áhuga á honum.
Mandzukic er 33 ára gamall og hefur ekki þurft að mæta á æfingar með Juventus, síðustu vikur. Maurizio Sarri vildi ekki nota hann.
Deildin í Katar er staður þar sem leikmenn mæta oft á síðustu metrum ferilsins en ná að halda í sömu laun.
Í Katar eru þrír Íslendingar hjá Al-Arabi, Heimir Hallgrímsson stýrir liðinu og þar spila Aron Einar GUnnarsson og Birkir Bjarnason.
Mandzukic er oft nefndur óvinur Íslands en hann fékk rautt spjald í leik gegn Íslandi árið 2013, fyrir grófa tæklingu.