Aron Einar Gunnarsson, fyrirliði karlalandsliðsins í fótbolta fer yfir víðan völl í spjalli sínu við Snorra Björnsson. Aron var gestur í hlaðvarpsþætti hans sem kom út í dag.
Aron ræðir meðal annars samfélagsmiðla og hvernig hann notar það. Þegar hann var að hefja feril sinn í atvinnumennsku, þá var hann vikur á Facebook en hefur eytt aðgangi sínum þar. ,,Maður var peppaður, þetta var á þessum tíma. Maður var athyglissjúkur, stuðningsmönnum Coventry fannst þetta geggjað. Að nálgast leikmenn, vera svona nálægt honum. Facebook á þessum tíma, það var ekki eins og í dag. Samfélagmiðlar voru ekki eins og í dag, Instagram er skemmtilegt,“ sagði Aron þegar hann ræddi við Snorra um samfélagsmiðla.
,,Á Twitter fór ég í það að vera bara með íslenskt, mér fannst það bara leiðinlegt. Stuðningsmenn á Englandi voru kræfir og krefjandi, það var mikið af yfirdrulli. Það var leiðinlegt, ég nennti ekki að skoða þetta lengur. Ég bjó til bara nýtt þar sem er bara íslenska, Íslendingar sem ég var að fylgja á þessum tíma. Twitter, ég var miklu virkari þar. Mér finnst þetta svo leiðinlegt, það er svo neikvætt. Allir að tuða og allt svo neikvætt, ég er byrjaður að fela hluti sem ég vil ekki sjá. Af hverju er ég á þessu ef ég þarf að byrja að fela hluti?.“
,,Maður verður neikvæður, svo hugar maður, hvað er ég að gera? Ég nenni ekki Facebook, ég er bara með Instagram og Twitter. Twitter er hægt og rólega að fjara út, ég fer á Twitter á hverjum degi. ÉG er að skoða fréttir, handbolti og fótbolti. Svo er maður að taka skjáskot og senda á félagana, spyrja hvort þetta sé rétt. Þetta er svo mikið af lífinu manns.“
Aron var staddur hér á landi á dögunum og fann frelsi í því að vera ekki alltaf tengdur, hann býr í Katar og leikur með Al-Arabi. ,,Ég er með Qatar númer, ég ákvað að slökkva á 4G, það er dýrt. Mér finnst það geggjað, eftir daginn kem ég upp í rúm og batteríið er 89 prósent. Af hverju er maður að þessu? Af hverju er maður að skoða þetta svona mikið? Þetta er vani, þetta er slæmur vani.“
Mikð er talað um að WhatsApp sé forritið sem knattspyrnumenn noti. ,,WhatsApp er mikið notað á Englandi, það er hægt og rólega að koma hérna heim. Það er verið að búa til hópa, þegar við komum saman með landsliðinu þá gerir Gunni Gylfa sem sér um málið og býr til hóp. Þar koma upplýsingar og dagskrá, ég hef notað WhatsApp mjög lengi. Það er bara eins og spjall.“
Aron Einar hittir sálfræðing reglulega: „Hjálpaði mér í mannlegum samskiptum við konuna og börnin“
