,,Mér finnst jákvætt að umræðan er orðinn meira en hún var, það þurfa allir að létta af sér við og við,“ segir Aron Einar Gunnarsson, fyrirliði Íslands í hlaðvarpsþætti sem Snorri Björnsson er með. Þar opnar hann sig um það hvernig, sálfræðingur hefur hjálpað honum á síðustu árum.
Aron Einar er einn frægasti núlifandi Íslendingurinn, hann hefur verið leiðtogi íslenska landsliðsins í gegnum bestu ár liðsins. Hann segir að sálfræðingur hafi gert hann að betri faðir og eiginmanni, Aron og Kristbjörg Jónasdóttir eiga saman tvö börn.
,,Ég hef sjálfur í tvö ár farið og hitt sálfræðing, mis langt á milli. Það hjálpaði mér í mannlegum samskiptum við konuna og börnin, ég sjálfur er kannski ekki lokaður. Aðrir eiga auðveldara með að tjá sig í mannlegum samskiptum, ég elst upp við það að það kemur ekkert allt fram. Við getum setið í stofunni í nokkrar klukkustundir og ekki sagt neitt, horft á sjónvarpið. Og það er bara gott kvöld. Hjá konunni minni, þá tjá þau sig og segja hlutina. Ég kem inn í samband við hana, ég er lokaður og tjá mig ekki. Innra með mér er ég að hugsa eitthvað, ég lærði með sálfræðingi að opna á hlutina. Það var hollt fyrir mig.“
Á síðustu leiktíð upplifði Aron Einar skömm yfir því að vera meiddur, hann gat ekki hjálpað Cardiff sem hann lék.
,,Sagan með þjálfarann minn, Neill Warnock. Hann keyrir samning í gegn fyrir mig, ég kem inn í tímabilið meiddur. Er á góðum launum í úrvalsdeildinni, mér líður eins og ég sé að bregðast honum. Ég byrjaði að fela mig fyrir honum, á æfingasvæðinu. Ég var þungur, ég var meiddur og var einmana. Ég vildi bara vera partur af liðinu, síðan tala ég við sálfræðinginn. Hún sagði mér að segja honum hvernig mér liði, ég fór daginn eftir og gerði það. Sagði honum að mér liði eins og ég væri að bregðast honum, hann sá að ég gaf ekki eins mikið af mér eins og ég hafði gert. Viku síðar, fór mér að líða miklu betur.“