Margir stuðningsmenn og leikmenn Manchester United voru ósáttir eftir leik liðsins við Everton í dag.
Leikið var á Old Trafford en viðureignin endaði með 1-1 jafntefli eftir að Everton hafði komist yfir.
Fyrsta mark leiksins var skráð sjálfsmark á Victor Lindelof en það seinna skoraði Mason Greenwood fyrir heimamenn.
Það er kvartað yfir því að mark Everton hafi ekki átt að standa vegna brots sem átti sér stað stuttu áður.
Dominic Calvert-Lewin er ásakaður um að hafa brotið á David de Gea, markmanni United, áður en boltinn fór í netið.
De Gea birti sjálfur Twitter-færslu í kvöld þar sem hann gefur sterklega í skyn að um brot hafi verið að ræða.
Hana má sjá hér.
— David de Gea (@D_DeGea) 15 December 2019