Steven N’Zonzi, leikmaður Galatasaray, hefur verið settur í bann af félaginu eftir vandræði á æfingu.
N’Zonzi er í láni hjá Galatasaray frá Roma en hann spilaði ekki í 2-2 jafntefli við Ankaragucu um helgina.
Fatih Terim, stjóri Galatasaray, tjáði sig örstutt um miðjumanninn eftir leikinn.
Samkvæmt tyrknenskum miðlum þá fékk Frakkinn nóg á æfingu og labbaði einfaldlega burt án þess að snúa aftur.
,,Hann gerði það sem hann gerði og við samþykkjum hans ákvörðun,“ sagði Terim.
,,Ég get sagt ykkur það að hann sýndi ekki aðeins mér vanvirðingu heldur öllum liðsfélögunum. Enginn má haga sér svona.“