Sadio Mane, leikmaður Liverpool, ræddi við Troy Deeney eftir leik við Watford í ensku úrvalsdeildinni í gær.
Liverpool styrkti stöðu sína á toppi deildarinnar en liðið vann nokkuð þægilegan 2-0 sigur á heimavelli.
Mane skoraði mark sem var tekið af í leiknum en hann talaði örstutt við Deeney í leikmannagöngunum.
,,Sjáðu um minn mann. Hann er feiminn strákur, mjög feiminn,“ sagði Mane við Deeney.
Þar á Mane við Ismaila Sarr sem er landi hans frá Senegal og kom til Watford frá Rennes í sumar.
,,Hann þarf bara að læra ensku. Hann er að vinna í því. Hann er góður strákur. Sjáum seinna,“ bætti Mane við áður en þeir kvöddu.
