Jón Dagur Þorsteinsson skoraði fyrir lið Aarhus í Danmörku í dag sem mætti Midtjylland í Íslendingaslag.
Jón Dagur og félagar unnu mjög óvæntan útisigur en Midtjylland situr á toppnum með sjö stiga forskot.
Sóknarmaðurinn skoraði annað markið í 3-1 sigri en hjá Midtjylland spilaði Mikael Anderson allan leikinn.
Fyrr í dag spilaði Eggert Gunnþór Jónsson með Sonderjyske sem mætti AC Horsens.
Leiknum lauk með 2-1 sigri Horsens og spilaði Eggert allan leikinn og fékk einnig gult spjald.