Eden Hazard, leikmaður Real Madrid, mun snúa aftur til Chelsea eftir dvölina á Spáni.
Þetta staðfesti Hazard sjálfur í gær en hann var seldur til Real fyrir risaupphæð í sumarglugganum.
Hazard ætlar sér að vinna titla með Real áður en hann snýr aftur heim til Chelsea þar sem hann spilaði í sjö ár.
,,Ég horfi þegar ég get en ekki alltaf. Þeir eru að standa sig vel með ungt lið,“ sagði Hazard.
,,Nú geta þeir borgað fyrir leikmenn aftur. Ég mun gera mitt verkefni hér og svo sný ég aftur.“