Jón Daði Böðvarsson fékk tækifæri hjá Millwall í kvöld sem spilaði við Derby í ensku Championship-deildinni.
Jón Daði byrjaði leikinn á heimavelli Derby sem lauk með 0-1 sigri Millwall.
Tom Bradshaw skoraði eina mark Millwall en Jón Daði spilaði alls 67 mínútur í annars góðum sigri.
Leeds mistókst á sama tíma að komast aftur á toppinn eftir svakalegan leik gegn Cardiff.
Leeds komst í 3-0 á heimavelli gegn Cardiff en gestirnir náðu að koma til baka og lokastaðan 3-3 á Elland Road.
Öll mörk Cardiff komu í seinni hálfleik og hefur hálfleiksræðan verið af gamla skólanum.