Jonathan Dos Santos, leikmaður LA Galaxy, segir að landi sinn Carlos Vela sé með tilboð á borðinu frá Barcelona.
Vela skoraði 38 mörk í 36 leikjum í Bandaríkjunum fyrir Los Angeles FC og er nú enn og aftur orðaður við spænska stórliðið.
Vela lék áður með Real Sociedad á Spáni og er möguleiki á að Barcelona fái hann til sín í janúar.
,,Ég er núna í fríi og hef ekki rætt við hann það mikið,“ sagði Dos Santos í samtali við W Radio.
,,Það er þó satt að hann sé með tilboð á borðinu frá Barcelona. Ég veit ekki hvað hann gerir.“
,,Hann er mjög ánægður í Los Angeles og hann átti frábært tímabil en þegar Barcelona leitar til þín þá er það gott tækifæri.“
,,Ég er mjög ánægður fyrir hans hönd. Sem Mexíkani þá vona ég að þetta geti gengið í gegn.“