Christian Pulisic, leikmaður Chelsea, gat ekki beðið eftir því að komast til félagsins í sumar.
Pulisic gerði samning við Chelsea í janúar en fékk ekki að ganga í raðir liðsins fyrr en í sumarglugganum.
Hann var alltaf í Chelsea treyju heima hjá sér í sumar og undirbjó sig fyrir spennandi verkefni sem var á dagskrá.
,,Í sumar þá fékk ég smá frí eftir að hafa spilað með landsliðinu í Gullkeppninni og ég átti þessa Chelsea teyju heima sem var gerð fyrir mig þegar ég skrifaði undir,“ sagði Pulisic.
,,Ég var alltaf í treyjunni heima – ég vildi komast hingað svo mikið. Ég vildi bara fá að byrja því ég var spenntur fyrir áskoruninni og öllu sem henni fylgdi.“