Alan Pardew, fyrrum stjóri Newcastle, fékk heldur betur að heyra það á fyrsta degi sínum sem stjóri liðsins.
Pardew tók við Newcastle í desember árið 2010 en sú ráðning var ekki vinsæl á meðal stuðningsmanna liðsins.
Leikmenn Newcastle vildu heldur ekki sjá Pardew taka við og fékk hann að vita það um leið og hann mætti til félagsins.
,,Á fyrsta deginum mínum þá var bankað á dyrnar og þar var Joey Barton mættur,“ sagði Pardew.
,,Hann labbaði inn og lét eins og Joey, hann sagði: ‘ég vildi bara láta þig vita að ég og leikmennirnir viljum ekki hafa þig hérna, við teljum að þú eigir ekki heima hérna og þú þarft að vita af því!’
,,Það var það fyrsta sem hann sagði og ég svaraði bara: ‘allt í lagi.’ – mér líkaði við það því þú vissir allavegana hvað Joey fannst.“
,,Þú verður að vinna þér inn virðingu stórra leikmanna eins og hans og Kevin Nolan. Eina leiðin til að gera það er á æfingasvæðinu og að ná í úrslit.“