Jose Mourinho, stjóri Tottenham, segir að leikmenn Manchester United hafi verið ‘klókir’ í 2-1 sigri á hans mönnum í gær.
Mourinho segir að leikmenn heimaliðsins hafi gert sér upp meiðsli og reynt að tefja leikinn á alla mögulega vegu.
,,Þeir bökkuðu aðeins í seinni hálfleik og voru klókir hvernig þeir fiskuðu aukaspyrnur og voru að þykjast vera meiddir. Þeir stjórnuðu leiknum þannig og voru samt hættulegir í skyndisóknum,“ sagði Mourinho.
,,Okkur var refsað fyrir mistök í seinna markinu. Ástæðan fyrir því að þeir unnu var því þeir byrjuðu fyrstu 30 mínúturnar betur en við.“
,,Þetta gerðist ekki bara í dag. Ef þú horfir á síðustu leiki þá gerðist það sama gegn Olympiacos og Bournemouth.“
