Það er ansi mikil reiði vegna forsíðu sem blaðið Corriere dello Sport gaf út í dag, þar eru tveir gamlir félagar Romelu Lukaku og Chris Smalling.
Báðir yfirgáfu Manchester United í sumar en Lukaku var keyptur til Inter á meðan Smalling var lánaður til Roma. Báðir hafa slegið í gegn.
Smalling og Lukaku eru báðir dökkir að hörund en Corriere talar um baráttu þeirra sem ,,Black friday“. Svartur föstudagur en liðin eigast við á föstudag.
Flestir túlka þetta sem rasisma af verstu sort en ,,Black friday“ er vinsæll verslunardagur sem átti sér stað síðasta föstudag.
Forsíðuna má sjá hér að neðan.