Mario Balotelli, leikmaður Brescia, má yfirgefa félagið frítt í janúarglugganum segir forseti liðsins, Massimo Cellino.
Balotelli hefur verið sár undanfarnar vikur eftir að hafa orðið fyrir rasisma í leik gegn Verona 3. nóvember.
,,Mario er leiður því hann getur ekki tjáð sig á vellinum. Hann fórnaði miklu til að spila í Serie A og hann hélt kannski að það væri auðveldara,“ sagði Cellino.
,,Í janúar þá má hann fara frítt. Hann má velja hvað hann gerir, hann verður að sannfæra sjálfan sig.“
,,Ég vil ekki missa hann. Ef hann fer þá höfum við báðir tapað veðmálinu.“