Denis Suarez hefur útskýrt af hverju hann gat nánast ekkert hjá Arsenal á síðustu leiktíð.
Suarez kom til Arsenal á láni frá Barcelona í janáur en spilaði örfáar mínútur og var fljótt sendur til baka.
Spánverjinn segist hafa verið meiddur allan þann tíma og átti á meðal annars í erfiðleikum með svefn.
,,Þú veist aldrei hvað gerist í framtíðinni. Ég fór til Arsenal og var mjög vongóður,“ sagði Suarez.
,,Ég spilaði fyrsta leikinn gegn Manchester City en meiddist svo í fyrsta útileiknum. Ég hélt að ég hefði rifið liðband því ég steig varla í fótinn.“
,,Það reyndist ekki rétt en mjaðmagrindin var hins vegar stífluð og ég gat ekki tekið eitt skref án þess að finna til.“
,,Þetta særir þig meira þegar þú reynir að sofa, þegar þú hnerrar og jafnvel þegar þú labbar upp stigann.“