Arsene Wenger, goðsögn Arsenal, er opinn fyrir því að tala við stórlið Bayern Munchen.
Bayern leitar að stjóra þessa stundina en Niko Kovac var rekinn eftir slæmt gengi á dögunum.
Wenger er 70 ára gamall en hann var síðast hjá Arsenal en var rekinn sumarið 2018.
,,Ég myndi aldrei neita að tala við Bayern Munchen. Ég þekki fólkið sem hefur stýrt klúbbnum í 30 ár og ég var næstum því farinn þangað áður,“ sagði Wenger.
,,Ég geri bara það sem ég vil í dag. Ég hef ekki ákveðið hvort ég snúi aftur á völlinn eða ekki.“