Erik Hamren hefur valið landsliðshóp sinn fyrir komandi verkefni gegn Tyrklandi og Moldóvu í undankeppni EM.
Ísland á veika von á því að komast beint inn á EM. Með því þarf að vinna Tyrkland og Moldóvu, einnig þarf íslenska liðið að treysta á að Andorra taki stig gegn Tyrkjum, ólíklegt en mögulegt.
Kári Árnason og Hannes Þór Halldórsson eru í hópnum, báðir leika í Pepsi Max-deildinni sem hefur verið í fríi í rúman mánuð. Kári hélt til Englands að æfa og Hannes til Danmerkur, til að halda sér í formi.
,,Þetta sannar hug þeirra, hjartað sem þeir hafa fyrir landsliðinu,“ sagði Erik Hamren um ákvörðun þeirra að æfa með erlendum liðum.
,,Þeir vissu að það væru vandræði að spila með landsliðinu ef þeir væru ekkert að æfa, þeir tóku þessa ákvöðrun sjálfir.“
,,Ég elska þetta, þetta sannar ástríðu þeirra fyrir Íslands.“