Arsene Wenger, fyrrum stjóri Arsenal, hefur áhuga á að taka við stjórastarfinu hjá Bayern Munchen.
Þetta staðfesti Wenger sjálfur í dag en hann hefur verið án starfs síðan sumarið 2018.
Bayern rak Niko Kovac úr starfi á dögunum og leitar nú að eftirmanni hans.
,,Auðvitað hef ég áhuga. Ég þjálfaði í hæsta gæðaflokki 33 til 69 ára gamall,“ sagði Wenger.
,,Það gerði ég án þess að stoppa og í hæsta gæðaflokki, svo svarið er auðvitað já.“