Pep Guardiola, stjóri Manchester City, hefur dregið ummælin um Sadio Mane, leikmann Liverpool, til baka.
Guardiola gaf það í skyn nýlega að Mane væri dýfari og væri í því að fiska vítaspyrnur og aukaspyrnur.
Jurgen Klopp kom sínum manni til varnar og hefur Guardiola nú tjáð sig á ný.
,,Börnin mín segja alltaf við mig að Liverpool sé heppið að vinna alltaf á síðustu mínútunni, ég segi þeim að það sé ekki heppni,“ sagði Guardiola.
,,Þeir eru með frábær gæði og berjast þar til í lokin. Ég segi það við mína leikmenn og börnin mín að það sé ekki heppni.“
,,Ég hugsaði með mér ‘vá’ eftir vítaspyrnumarkið á 94. mínútu gegn Leicester City. Það var það sem ég átti við með mínum ummælum,.“
,,Ég var alls ekki að segja að Sadio Mane væri þannig leikmaður. Dómarinn og VAR dæmdu víti. Kannski hafði ég rangt fyrir mér.“