Grindavík hefur tryggt sér þjónustu Vladan Djogatovic markmanns til næstu 2ja ára.
Vladan vakti verðskuldaða athygli á síðasta tímabili fyrir góðar markvörslur. Hann var kosinn besti leikmaður Grindavíkur á lokahófi félagsins í september s.l.
Sigurbjörn Hreiðarsson tók við Grindavík á dögunum en liðið féll úr Pepsi Max-deild karla.
,,Vladan hefur sagt okkur að honum líði sérstaklega vel hérna hjá okkur í Grindavík og hrósar mikið fólkinu okkar, hversu almennilegt fólk búi hér í okkar samfélagi. Þið megið því eigna ykkur það að hluta kæru Grindvíkingar að hann hafi viljað vera hér áfram,“ sagði á Fésbókarsíðu Grindavíkur.