Bjarni Ólafur Eiríksson hefur samið við ÍBV út tímabilið 2020. Bjarna þarf vart að kynna; fyrrum landsliðsmaður og margfaldur Íslandsmeistari.
,,Þetta er mikill hvalreki fyrir ÍBV og er liðið nú komið með sterkan hrygg fyrir átökin í Inkasso deildinni,“ segir á vef ÍBV.
Samningur Bjarna Ólafs við Val var á enda og var hann orðaður við Grindavík og fleiri lið.
Helgi Sigurðsson var ráðinn þjálfari ÍBV á dögunum en hann og Bjarni Ólafur léku saman í Val, þegar liðið varð Íslandsmeistari árið 2007.
Fyrir er ÍBV með Gary Martin og fleiri sterka leikmenn, það er því ljóst að ÍBV mætir mannað til leiks í 1. deildinni næsta sumar.
Bjarni er 37 ára gamall en hann lék 21 A-landsleik fyrir Ísland á ferli sínum.