Það fór fram frábær leikur í Meistaradeildinni í kvöld en Valencia og Chelsea áttust við á Spáni.
Bæði lið voru með sjö stig í riðlinum fyrir viðureign kvöldsins sem endaði með jafntefli.
Carlos Soler kom Valencia yfir í fyrri hálfleik en aðeins mínútu seinna jafnaði Mateo Kovacic fyrir Chelsea.
Christian Pulisic kom Chelsea svo yfir í seinni hálfleik áður en heimamenn fengu vítaspyrnu.
Dani Parejo steig á punktinn en Kepa Arrizabalaga í marki Chelsea varði meistaralega frá honum.
Áður en flautað var til leiksloka jafnaði Valencia þó metin en Daniel Wass skoraði þá rosalegt mark með fyrirgjöf sem endaði í netinu. Lokastaðan, 2-2.
Í hinum leiknum sem var að ljúka vann Zenit sterkan sigur en liðið hafði betur 2-0 gegn Lyon.
Valencia 2-2 Chelsea
1-0 Carlos Soler(41′)
1-1 Mateo Kovacic(42′)
1-2 Christian Pulisic(53′)
2-2 Daniel Wass(82′)
Zenit 2-0 Lyon
1-0 Artem Dzyuba(42′)
2-0 Magomed Ozdoev(84′)