Leiknir hefur fengið liðsstyrk en Alfreð Már Hjaltalín hefur skrifað undir tveggja ára samning við félagið.
Alfreð er 25 ára gamall og getur spilað sem bakvörður og einnig sem kantmaður.
Alfreð, sem er frá Stykkishólmi, lék með meistaraflokki Víkings í Ólafsvík 2010-2017.
Í fyrra lék Alfreð sextán leiki með ÍBV í efstu deild en spilaði ekkert í sumar vegna meiðsla. Alfreð hefur æft með Leikni undanfarna daga.