Jose Mourinho, nýr stjóri Tottenham, mun þurfa að sannfæra stjörnur liðsins um að fara ekki annað.
Þetta segir Michael Dawson, fyrrum fyrirliði liðsins, en stjörnur eins og Harry Kane eru orðaðar við brotfför.
Dawson óttast að fleiri stjörnur muni reyna að komast burt en Mauricio Pochettino var áður stjóri liðsins og var gríðarlega vinsæll.
,,Það fyrsta sem Mourinho þarf að gera er að sannfæra leikmennina til að vera áfram,“ sagði Dawson.
,,Þessi hópur elskaði Pochettino og það sem hann gerði síðustu fimm ár var stórkostlegt.“
,,Hann gerði Harry Kane að þeim leikmanni sem hann er og ég vona að hann segist ekki vilja fara.“
,,Þú horfir á Christian Eriksen, Toby Alderweireld og Jan Vertonghen… Vilja þeir vera þarna áfram?“
,,Þeir eru að renna út á samningi og umn leið og einn fer þá gæti það haft áhrif á alla.“