Tottenham á Englandi hefur staðfest það að Jose Mourinho sé nýr stjóri félagsins. Mourinho hefur verið án félagsins síðan í desember í fyrra en hann var þá rekinn frá Manchester United.
Hann hefur verið orðaður við starfið síðustu mánuði en Mauricio Pochettino var rekinn í gær. Pochettino starfaði hjá Tottenham í heil fimm ár en nú tekur nýr kafli við hjá félaginu. ,,Í Jose þá erum við með einn sigursælasta þjálfara knattspyrnunnar. Hann er með mikla reynslu og getur hvatt lið áfram,“ sagði Daniel Levy, eigandi liðsins í morgun.
Enskir miðlar segja að Mourinho þéni 15 milljónir punda á ári hjá Tottenham til ársins 2023. Það er helmingi meira en Pochettinho, sem þénaði 7,5 milljónir punda á ári.
Hann verður næst launahæsti stjórinn á Englandi, á eftir Pep Guardiola hjá Manchester City. Hann mun þéna miklu meira en Jurgen Klopp, stjóri Liverpool og Ole Gunnar Solskjær, sem tók starfið hans hjá Manchester United.