Góðar fréttir berast frá Kolbeini Sigþórssyni, ef horft er til þess hvernig fyrstu fréttir af meiðslum honum, á sunnudag voru. Meiðsli Kolbeins eru ekki alvarleg, um er að ræða tognun á ökkla. Sem heldur honum frá keppni í 4-6 vikur.
Meiðslin koma á besta tíma, ef þannig má að orði komast. Kolbeinn og AIK eru á leið í langt vetrarfrí, hann ætti því ekki að missa af neinum leikjum.
Ár Kolbeins hefur verið frábært fyrir hann og íslenska landsliðið, hann hafði misst út tæp þrjú ár í fótbolta vegna meiðsla. Hann hefur að mestu sloppið við meiðsli í ár og getað spilað flesta leiki með AIK og íslenska landsliðinu. Endurkoman, vel heppnuð.
,,Takk AIK og Ísland fyrir að treysta mér og gefa mér tækifæri til að komast aftur á völlinn aftur. Að njóta þess að spila aftur fótbolta, eftir tæp þrjú ár,“ skrifar Kolbeinn í færslu á Instagram í kvöld.
,,Þetta hefur verið mjög lærdómsríkt ferli og miklu meira en bara jákvæð endurkoma fyrir mig.“
Hann tjáir sig svo um meiðslin. ,,Ég mun jafna mig af sködduðum liðböndum í ökkla næstu 4-6 vikur, eftir síðasta leik. Virkilega spenntur fyrir vþí að taka annað vel heppnað skref á næsta ári.“
Kolbeinn er 29 ára gamall en hann er markahæsti leikmaður í sögu Íslands ásamt Eiði Smára Guðjohnsen með 26 mörk.