Alf Inge Haland, fyrrum leikmaður Manchester City, var mættur á æfingasvæði Manchester United í vikunni ef marka má enska miðla.
Fjölmargir miðlar greina frá því að Alf Inge hafi látið sjá sig á Carrington æfingasvæðinu í vikunni.
Alf er eins og flestir vita faðir Erling Haland sem er á óskalista Ole Gunnar Solskjær.
Leikmaðurinn hefur skorað 22 mörk í 16 leikjum fyrir RB Salzburg á tímabilinu þrátt fyrir að vera 19 ára gamall.
Óvíst er hvað Alf var að gera á svæðinu en orðrómur er um að hann hafi verið að ræða möguleg skipti.
