Cristiano Ronaldo hefur tjáð sig um atvik sem kom upp í síðasta deildarleik Juventus gegn AC Milan.
Ronaldo brást reiður við skiptingu Maurizio Sarri og var lengi talað um að samband þeirra væri slæmt eftir atvikið.
Ronaldo segist þó skilja ákvörðun Sarri og segist hafa verið meiddur síðustu vikurnar.
,,Síðustu þrjár vikurnar þá hef ég getað tekið takmarkað þátt. Allir vita að ég er ekki hrifinn af því að vera skipt útaf,“ sagði Ronaldo.
,,Það var ekkert vandamál við hvernig ég brást við. Ég reyndi að hjálpa Juventus með því að spila meiddur.“
,,Það er enginn sem vill fara útaf en ég skil það því ég var ekki 100 prósent í síðustu tveimur leikjum.“