,,Ég er búinn að heyra nokkrum sinnum, að Eiður Smári gæti farið að aðstoða Óla Kristjáns hjá FH,“ sagði Hjörvar Hafliðason, stjórnandi Dr. Football í þætti dagsins.
Samkvæmt heimildum 433.is hefur þetta ekki komið á borð FH og ku ekki vera til umræðu. Eiður Smári er aðstoðarþjálfari U21 árs landsliðsins og sérfræðingur Símans, um enska boltann.
,,FH er með Guðlaug Baldursson og Ásmundur Haraldsson, sem aðstoðarþjálfara. Hvað á Eiður Smári að koma líka?. Það myndu öll lið taka Eið Smára en ætlar FH að vera með þrjá aðstoðarþjálfara?,“ sagði Mikael Nikulásson, sérfræðingur og þjálfari Njarðvíkur.
Hjörvar telur að þessar sögur séu ekki réttar. ,,Ég held að þetta sé bull, en væri gott ekki gott fyrir Eið að vera í snertingu við fótbolta á hverjum degi og læra þannig að vera þjálfari. Í stað þess að mygla í Errea úlpu í Laugardalnum.“
Kristján Óli Sigurðsson, hefur reglulega rætt um meint fjárhagsvandræði félagsins. ,,Mér finnst líklegra að allir leikmenn FH fái útborgað 1. desember, en að þetta gerist.“