fbpx
Miðvikudagur 15.júlí 2020
433Sport

Sindri Snær setur hanskana á hilluna: Rúnar fær mikið lof

Hörður Snævar Jónsson
Sunnudaginn 17. nóvember 2019 20:11

Ekki missa af Helstu tíðindum dagsins í pósthólfið þitt

Lesa nánar

Sindri Snær Jensson, markvörður KR hefur ákveðið að leggja hanskana á hilluna. Hann hefur verið í hlutverki varamarkvarðar síðustu ár.

KR-ingar hafa haft mikið álit á Sindra sem hefur staðið sig vel þegar hann hefur þurft að spila, hann hefur svo verið sterkur í klefa liðsins.

Pistill Sindra á Facebook:
Skórnir og hanskarnir á hilluna.

Eftir sex frábær ár með sigursælasta knattspyrnufélagi Íslands hef ég ákveðið að setja endapunkt á ferilinn sem leikmaður. Ákvörðunin var ekki auðveld enda fótbolti eitt það skemmtilegasta sem ég veit um og tíminn hjá KR verið mikið ævintýri. En þeir sem þekkja til vita að sportið er tímafrekt og miklum tíma varið í æfingar allan ársins hring. Nú þegar Yuzu er komið af stað ákvað ég að verja tímanum frekar í fyrirtækin mín og það heillar einnig að hafa frelsi til að ferðast að vild og þurfa ekki að skipuleggja allt í kringum fótboltann. Ég sé ekki eftir einni einustu mínútu sem ég hef varið fyrir KR og hef ég eignast vini fyrir lífstíð. Það sem stendur upp úr er að sjálfsögðu Íslandsmeistaratitill 2019 & Bikarmeistaratitill 2014.

Flestir munu sjálfsagt minnast mín sem einhvers konar Carlo Cudicini Íslands, varamarkmanns sem hafði það notalegt. Engu að síður er ég mjög stoltur af þeim 39 leikjum sem ég spilaði fyrir KR og man ég best eftir skemmtilegum undanúrslitum í bikar í Eyjum 2014 og unnum við í framhaldinu bikarinn. Þegar ég var í marki unnum við eiginlega alltaf enda hata ég meira að tapa en ég elska að vinna.

Þrátt fyrir að hanskarnir séu komnir á hillunna þýðir það ekki að öllum afskiptum mínum af fótbolta sé lokið, hver veit nema ég þjálfi, bjóði mig fram í stjórn hjá KR eða tjái mig um fótbolta í fjölmiðlum.

Mig langar að þakka KR og öllu frábæra fólkinu fyrir tímann og þá sérstaklega Rúnari Kristinssyni sem er langbesti þjálfari sem ég hef nokkurn tímann haft.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

433Sport
Í gær

Óskar Hrafn: ,,Þreyttir, þungir og orkulausir“ – Leikjaálagið að hafa áhrif?

Óskar Hrafn: ,,Þreyttir, þungir og orkulausir“ – Leikjaálagið að hafa áhrif?
433Sport
Í gær

KR fyrsta liðið til að vinna Blika – Fylkir á toppnum

KR fyrsta liðið til að vinna Blika – Fylkir á toppnum
433Sport
Fyrir 2 dögum

Útskýrir af hverju Van Dijk notar ekki eftirnafnið á treyjunni

Útskýrir af hverju Van Dijk notar ekki eftirnafnið á treyjunni
433Sport
Fyrir 3 dögum

Sterling með þrennu í öruggum sigri City

Sterling með þrennu í öruggum sigri City