Raffaele Bentancur, umboðsmaður Lucas Torreira, viðurkennir að leikmaðurinn sé ekki of ánægður þessa stundina.
Torreira var einn besti leikmaður Arsenal á síðustu leiktíð en fær minna að spila í dag og er í nýju hlutverki.
Torreira spilar framar á vellinum sem er sérstakt þar sem hann er varnarsinnaður miðjumaður.
,,Það getur allt gerst í fótboltanum. Torreira er ánægður hjá Arsenal en ekki með hlutverkaskiptin,“ sagði Bentancur.
,,Það verður að segjast eins og er að liðið er ekki að gera vel. Ég held þó að Arsenal vilji halda honum.“