Roy Keane segir að Englendingar hafi gert alltof mikið úr slagsmálum Raheem Sterling og Joe Gomez, í enska landsliðinu. Sterling réðst að Gomez á mánudag í matsal liðsins, ástæðan voru rifrildi þeirra úr leik Liverpool og Manchester City, deginum áður.
Keane segir svona mál ekki vera merkilegt, þetta gerist reglulega. Keane var harður í horn að taka á sínum ferli, og átti í útistöðum við marga samherja sína.
,,Af minni reynslu, þá gerðu Englendingar meira úr þessu þetta var. Við erum fljót að gagnrýna leikmenn fyrir að vera sama um hlutina,“ sagði Keane.
Hann sagði frá því þegar hann slóst við Peter Schmeichel, samherja sinn hjá Manchester United. ,,Ég átti í slagsmálum við Schmeichel á hóteli, við vorum í anddyri þess. Klukkan var fjögur að nóttu til, það voru ekki margir þarna. Ferguson tók okkur til hliðar, hann sagði að þetta væri til skammar,“ sagði Keane.
,,Peter baðst afsökunar og við héldum áfram, þetta hafði aldrei áhrif á okkur sem samherja. Þegar leikmenn eiga í slagsmálum, loftið er hreinsað og menn blása út.“
