Gylfi Þór Sigurðsson var eins og aðrir leikmenn Íslands nokkuð svekktur eftir leik við Tyrki í kvöld.
Ísland þurfti sigur til að eiga möguleika á öðru sæti riðilsins í undankeppni EM en markalaust jafntefli varð niðurstaðan.
,,Svekkjandi. Við vorum nálægt þessu í lokin. Hvernig við lögðum leikinn upp þá gekk þetta akkúrat eftir,“ sagði Gylfi.
,,Við ætluðum að halda þessu í núllinu og setja þá undir pressu í lokin en því miður gekk þetta ekki.“
,,Þegar við tökum sénsinn og förum fram þá opnast þetta gríðarlega, ef við gerum það of snemma geta þeir klárað leikinn en það er alltaf gott að vera vitur eftir á.“
,,Baulið skipti okkur engu máli. Við bjuggumst ekki við því að þeir myndu hafa hljóð og hlusta á þjóðsönginn.“