Alfreð Finnbogason entist ekki lengi í kvöld er íslenska landsliðið spilaði við Tyrkland.
Ísland þurfti á sigri að halda til að eiga möguleika á öðru sæti riðilsins en markalaust jafntefli var niðurstaðan.
Alfreð gat aðeins spilað um 20 mínútur í fyrri hálfleik áður en Arnór Sigurðsson leysti hann af hólmi.
Vísir.is greinir frá því að Alfreð hafi farið úr axlarlið sem eru ekki góðar fréttir.
Þetta er í annað sinn á ferlinum sem Alfreð meiðist á þann hátt en það gerðist einnig í ágúst árið 2014.
Alfreð lék þá með spænska liðinu Real Sociedad gegn Aberdeen í Evrópudeildinni.